// //

Күйөөм "Балдарды бербейм!" деп үйдөн кууп чыкты

2018.11.02, 12:46
2068

Күйөөм менен 3 айдан бери жашабайм. “Билгениңди кыл! Балдарды бербейм! Керек болсо алимент төлөтөм” деп үйдөн кууп чыкты. Каралар менен тааныш, бир нерсе дештен корком.

Экөөбүз 7 жыл Москвада иштедик. Топтогон мүлкүбүздүн баарын кайын журтума каттап койгон. Бир гана камаз өзүнүн наамында. Менин атыма 400 000 сом насыя алганбыз, 3 айдан бери төлөнө элек.

Сотко кайрылсам, тапканыбыздын жарымы менен балдарды алып бере алабы? Сотто баланын пикири эске алынат экен. Ошондо мен балдарыма да ээ боло албай каламбы? Себеби алар кайындарыма көнүп калган.

Жолдошоум “баарына сен күнөөлүсүң” деген. Туура, кайын энеме  “Өзүңүз айткан жаш кыздырды алып бериңиз, кетсе кетейин” деп каяша сүйлөгөм. Ушул сөзүм ажырашууга жеткирди.

Эми кандай кылам? Москвага кете албайм. Төлөнбөгөн насыя үчүн үстүмөн иш козголобу деп кабатыр болуп жүрөм. Суранам кеңеш бериңизчи!

Нурислам Раимжанов, юрист

Урматтуу айым, ажырашуу маселесин экинчи орунга жылдырып, биринчи балдарды алууну ойлонуңуз.

Балдарыңыз жашап жаткан аймактын жергиликтүү социалдык коргоо башкармалыгынын балдарды коргоо бөлүмүнө арыз жазып, паспорт жана балдарыңыздын туулгандыгы тууралуу күбөлүгүнүн (бар болсо) көчүрмөсүн тиркеңиз. Социалдык коргоо башкармалыгы кайын энеңиз менен жолдошуңузга түшүндүрүү иштерин жүргүзөт. Эч кандай жыйынтык чыкпаса, башкармалык жазып берген корутунду менен сотко кайрыласыз.

10 жаштан жогору балдардын оюу угулат. Соттун чечими жолдошуңуздун пайдасына чыкса,  сизге балдарды көрүп турганга укук берилет.

Сот адилеттүү чечим чыгарат деген үмүтүм бар. Ийгилик!

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт