Кумсаларга (гейлерге) кандай мамиле кылуу керек?

2018.10.30, 15:09
2074

Эркекмин. Жигиттерди жактырып калам деп эч качан ойлобогом. Бирок, алардын бирөөсү менен дагы жыныстык катнашка барууну каалаган эмесмин. Мен өзүмдү “гей” деп эсептебейм.  Сезимим эки тараптуу эмес, ыплас иштерди кылганым жок. Кадимки эркектей болуп эле жүрөм. Эмне кылсам болот?

                                                                   ***

Саламатсыздарбы! 10-классмын, сүйлөшкөн кызым бар. Кечээ коңшу класстагы бала мени жактыраарын айтты, каршы болгон жокмун. Сүйлөшкөн кызымды да, тиги баланы да жакшы көрөм. 

Бул “гей” же “лесбиянка” десе шарт бурулуп жеп жиберчүдөй карайбыз. Ачуусун токтото албагандар баса калып ур-токмокко алып жибериши да мүмкүн. Кумсаларга кандай мамиле кылуу керек? Сөз биздин эксперттерде.

Кадыр Маликов, теолог:

Ислам башка диндер сыяктуу бир жыныстуу мамилени айыптайт. Бул чоң күнөө болгонуна карабастан, батыш маданиятынын жайылышы менен коомубузда бир жыныстуу мамилелер көбөйүп, жашыруун пропагандаланып жатканы өкүнүчтүү.

Кандай мамиле кылуу керек?

Өзүбүз сот болуп, аларды басынтып, маскаралаганыбыз туура эмес. Кумсалар адашып калган адамдар, туура жол көрсөтүп коюу керек. 

Бактияр Токтогазы уулу, Кыргызстан мусулмандар башкармалыгынын фатва бөлүмүнүн адиси:

Кумсалык - оор күнөө, кудайга жакпаган иш. Аял жана эркектин өз функциясы бар. Бир жыныстагы адамдардын баш кошуусу терс көрүнүш. Никенин эң негизги максаты – тукум уулоо.

Кандай мамиле кылуу керек?

Кумсаларды бардык эле адамдар таанып биле албайт. Ал үчүн далил же адам өзү “мен кумсамын” деп айтышы керек. Мындай адамдарды ур-токмокко алган болбойт. Жөнөкөй жаран катары туура эмес кылып жаткандарын түшүндүрүп коюушубуз зарыл. Мыйзам тарабын атайын органдар чечет. 

Илья Комаровер,  сексолог, психотерапевт:

Бул адамдар тобу -  коомубуздун бир мүчөсү, жаныбызда жашайт, биздикиндей укук жана милдеттери бар. Эгерде алар жашоо образын активдүү пропагандалабаса көйгөй жок, ар ким өзү каалаганын жасайт. Мыйзам чегинен чыгып, гомосексуализмге үндөсө кеп башкада болот.

Кандай мамиле кылуу керек?

Кумасаларга кандай мамиле кылуу керектигин ар бир адам өзү чечет. Болгону чектен ашып кетпөө зарыл.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт