Сүйгөнүмө жете албай койдум. Ата-энеси бирге болушубузга каршы

2019.10.29, 10:36
606

Мен 23 жаштамын. Бир кыз менен бири-бирибизди жактырып 3 жыл сүйлөштүк. Колун сураганы барсам, ата-энеси мага бербей коюшту. Алардын каршылыгы менен сүйлөшпөй калганыбызга бир жыл болду.

Ушунча убакыттан бери аны унута албай, кыйналып, сыгылып жүрөм. Күндөрүмдү эптеп эле өткөрөм. Мурдагыдай күлүп-жыргап жашай албай калдым. Жумушумдун кызыгы жок болгонуна байланыштуу иштерим да жүрүшпөй жатат.

Кантип өзүмө келем? Мага кенеш бергилечи?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
29.10.2019, 10:38

Асель Баимбетова

Психолог

Экөөңөрдүн мамилеңерге ата-эненер тыюу салганы абдан өкүнүчтүү. Мен сизди түшүнүп турам. 3 жыл бул бир топ эле убакыт. Эч нерсеге көңүлүңүз келбей, маанайыңыздын жок болгону алсыздык эмес. Демек, бул мезгил аралыкта бири-бириңерге абдан жакын болуп калсаңар керек.

Тилекке каршы кандайдыр бир себептерге байланыштуу ата-энеси экөөңөрдүн баш кошконуңарга каршы болушуптур.

Жакын адамың менен кол үзүшкөндө аны унутуу үчүн кеминде 2 жыл убакыт керек. Мүмкүн болсо сүйүктүүңүздү эскерте турган бардык буюмдарды көзгө көрүнө турган жерден алып салгыла. Сүрөттөрүн, кат жазышууларды өчүрүңүз. Ал кыздын соцтармактагы баракчаларына кирбеңиз.

Кайгырба, капаланба - деп кеңеш бере албайм. Себеби, мындай эмоцияларды баштан өткөрүшүңүз керек. Бул этаптан аттап кете албайсыз.

Бирок, такыр жатып алган да болбойт. Жашоо уланып жатат. Күнүмдүк майда нерселерге көңүл буруп, кубанганга үйрөнүңүз. Жакындарыңыздын, бир туугандарыңыздын, досторуңуздун жашоо турмушуна кызыгып, иштери кандай экенин сураңыз. Жаңы адамдар менен таанышыңыз. Жаңы спортко жазылыңыз. Ден соолугуңузга көңүл буруңуз. Чет өлкөгө чыгып саякаттап келиңиз. Кыскасы жашооңорго жаңы, кызыктуу нерселерди кошуп, ага баш отуңуз менен киришиңиз.

Бактылуу болуңуз!

 

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт