// //

Кайын энем жууган кирлеримди жыттаганын көрүп калдым

2019.10.14, 14:09
5640

Той бүттү. Коноктор узады. Келиндик доор башталды.

Кирлер толуп кетиптир. Идиштерди жууп бүтүп кирге суу койдум. Жууп жайдым. Үйдөгү кир жуучу машина “полуавтомат” экен. Сууну төгүп келгени кеткем. Келсем, кайын энем кермедеги кирлерди жыттап жатыптыр. Унчуккан жокмун.

Эмнегедир ошол түнү уктай албай чыктым. Ой чиркин, эмне деген гана ойлор келбеди.

“Кыязы, апам таза жуудубу деп текшерди”, “Ушу, апама жууганым жаккан жок”, “Калып калган такты таап, мени урушайын деди”, “Мен жууган кирлерден жийиркенди көрүнөт” ж.б.

Таң атканча кайын энем тууралуу жаман ойлодум. Эртең менен болду. Чай койдум. Баары столго отурушту. Маанайым жок. Кайын энем, “кызым, баары жакшыбы”,- деп сурады. Баш ийкедим.

Кирлер кургап калыптыр. Чогултуп жатсам, кайын энем жаныма келип, “Балам кургаптырбы? Кечээ сен жууп бүткөндөн кийин, тиги кошуналар бир нерсесин түтөтүп өрттөп кирсе болобу. Чуркап барып, кирлерди жыттасам ыш болбоптур. Мээнетиңди текке кетирип кое жаздашты, өлүгүңдү көрөйүндөр”,-деп кобуранды. Көрсө, кеп ушунда турбайбы.

Кайын энем тууралуу жаман ойлогонум үчүн өзүмдү жек көрүп кеттим. Бир жагынан күлкүм келет. “Апа”,-деп чуркап барып кучактадым, кайын энем таң калды.

Бул окуя мага чоң сабак болду. Эгер мен ошол маалда жанына барып, “апа, кир калыптырбы”,-деп сурап койсом, эртең менен уйкум канып турмак, айыбы жок кайын энемди табалабайт элем. Кыскасы, жаман ойлоп жүрө бергенден көрө, жөн гана сураганды үйрөнүшүм керек экен. 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт