Кош бойлуулуктан сактануу үчүн ийне алам. Ден соолугума терс таасири болбойбу?
Саламатсызбы. Жашым 26да. Үй-бүлөлүүмүн, эки балам бар. Кош бойлуулуктан сактануу үчүн 11 айдан бери ийне сайдарып келем. Жалпы жонунан 3 жолу “укол” алдым. Ошол 11 айдан бери этек кирим келе элек. Ден соолугума терс таасири тийип калбайбы?
Раушан Джумагулова
“Эркай” клиникасынын адиси, акушер-гинеколог
Кош бойлуулуктан сактануу үчүн ийне алган аялдын этек киринин келбей калышы норма болуп саналат. Анткени булар таасири көпкө жете турган гормоналдык препараттар.
Ден соолукка терс таасирин тийгизүү коркунучу минималдуу.
Мындай инъекциялар онкологиялык ооруларды дарылоодо, гинекологияда эндометриозду дарылоодо жана контрацепция каражаты катары колдонулат.
Кош бойлуу келиндерге, боору ооругандарга, астма, кант диабети, эпилепсия менен жабыркагандарга каршы көрсөтмөлөрү бар.