Канткенде instagram-блоггер боло алам? Блогерден кеңеш
Инстаграм – канчалаган жөнөкөй адамдарды бир заматта атактуу кылды. Кыргызстандагы белгилүү блогерлердин бир жарнамалык посту миң доллардан кем эмес. Чет өлкөлүктөрдүкүн айтпасак дагы белгилүү. Сиз да instagram -блоггери болгуңуз келеби? Анда Асел Минагаванын кеңештерине кулак салыңыз.
- Эмнеден баштоо керек?
Алгач өзүңүзгө жаккан тема тандап алыңыз: саякат, билим же жеке жашооңуз тууралуу. Инстаграмдан баракча ачып, бир-эки жакшы сүрөт киргизиңиз.
- Сүрөттөрдүн сапаты маанилүү
Сүрөттөрүңүз жакпаса капа болбоңуз, атайын программалар менен сапатын жакшыртып алса болот. Өзүм бир нече жылдан бери “lightroom” деген программаны пайдаланам.
Аша чаап кетпеңиз.
- Катталуучулар санын кантип көбөйтсө болот?
Окурмандар баракчаңыздын мазмунуна карайт. Эгерде ал сапаттуу жана кызыктуу болсо, көп лайк топтой аласыз. Катталуучуларыңыздын каалоосун билип алыңыз.
Баарын чын жүрөгүңүздөн жазыңыз.
- Блогер болуунун оң жана терс жактары
Окурмандар мага кат жазганда, блоггер катары жоопкерчиликти сезем. Аларга жооп берип, колдон келсе кеңеш берем. Муну оң тарабы деп айта алам. Терс жагы жеке жашооңду элге көрсөтөсүң. Бул учурда чекти билиш керек.
- Белгилүү адамдар гана блогер боло алабы?
Албетте жок! Популярдуулук келип-кетүүчү нерсе. Сиз идея үстүндө иштеңиз. Ал эми окурман чыныгы курдашыңызга айланышы мүмкүн.
Сиздерге ийгилик каалайм!