// //

Кайын энем "боюңдан алдырбасаң, ажыраштырам" деди

2018.10.03, 13:42
4920

Үч айлык кош бойлуумун. Баламды эркелетип, ага кам көрүп, бактылуу эне болгум келет. Бирок, мунун баарына кайын энем каршы.

Жолдошум менен сүйлөшүп жүрүп баш коштук. Көп балалуу болгубуз келчү. Кээде маектешип олтуруп “баатыр эне, баатыр ата” болобуз деп күлүп калчубуз.

Кайын энем менен бирге турабыз. Ага каршы эч ким сүйлөбөйт. Айтканы айткандай аткарылбаса, ызы-чуу башталат.

Боюмда бар экенин укканда “Азыр жашсыңар, кийин деле балалуу болуп жетишесиңер. Жашоо шартыңарга карабайсыңарбы?” - деп боюмдан алдырууну буюрду.

Жолдошум төрөшүмдү каалайт. Бирок, апасына каршы сүйлөй албайт. Оюма койсо төрөмөкмүн. Айтканын укпай коёюн десем, күйөөм менен ажыраштырып салчудай.

Үч айлык баланы алдырууга болобу?

Гүлзина Мадраимова, гинеколог

Урматтуу айым, ичиңиздеги бала чоңоюп калыптыр. Алдырып салуунун зыяны чоң.

Абортту күтүүсүз кош бойлуулуктан кутулуунун эң жаман жолу. Медицинада кош бойлуунун ден-соолугу көйгөйлүү болуп, баланы төрөө энеге зыян алып келе турган болсо гана, комиссиянын текшерүүсү аркылуу бойдон алдырууга уруксат берет. 

Кайын энеңиз убагында бала баккандан кыйналса керек. Канткен күндө да, чечим кабыл алуу сиздин колдо. Эсиңизде болсун, баланы кайын эне үчүн төрөбөйсүз. Ал кишинин колуңуздан сүйрөп барып, аборт жасаттырганга укугу жок.

Жакшылап ойлонуп, туура жыйынтыкка келиңиз. Ийгилик! 

Ширин Амантурова, психолог

Окурман, кайын энеңиздин үй-бүлөгө кийлигийшкени, айтканындай болушун талап кылганы туура эмес.

Кайын энеңиз “Балдарым бутуна туруп, анан балалуу болсун” деген ойдо окшойт. Бирок мындай болгон күндө да ичиңиздеги бала күйөөңүз экөөңүздүкү.

Медицина боюнча 3 айлык баланы алдырууга дагы болбойт.

Жакын адамдарыңыздын кеңешин угуп, чечимди жолдошуңуз менен бирге чыгарыңыз.

Туура жолду тандаарыңызга ишенем! 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт