Бизнесмен Эмиль Үметалиев сунуштаган 5 китеп
Bilesinbi.kg Kyrgyz Concept компаниясынын президенти, белгилүү бизнесмен Эмиль Үметалиев өзү окуп жана окурмандарга сунуштаган 5 китеп жөнүндө айтып берет.
- Чыңгыз Айтматов “Ак кеме”
Улуу жазуучу Чыңгыз Айтматовдун “Ак кеме” чыгармасында элдик башаттарга кайрылуу, жаратылыш менен адамдардын ыйманын сактоо маселеси курч коюлган. Мүйүздүү Эне жөнүндө жомок менен бугу уруусунун генеалогиясы тууралуу окуп, адам менен табияттын мамилесине саякат жасагыңыз келсе, бул китеп сиз үчүн.
- Китами Масао “Кылычсыз самурай”
Китами Масаонун бул китебинде XVI кылымдагы Япониянын легендарлуу жол башчысы Тойотоми Хидэйошинин ийгиликти багынтуу үчүн колдонгон лидерлик сырлары айтылат. Кайсы бир тармактын мыктысы болууну кааласаңыз Тойотоминин стратегиясы жана тактикасы жардам берет.
- Мээрим Эмиль "IQ биздин тагдырыбызбы?"
“Двоечниктердин” келечеги барбы? “Отличник” болуу жакшыбы? Кантип ийгиликтүү болсо болот? Ушул жана башка кызыктуу суроолорго жоопту Мээрим Эмилдин "IQ биздин тагдырыбызбы?" китебинен таба аласыз.
- Дарон Аджемоглу , Джеймс Робинсон “Почему одни страны богатые, а другие бедные”
Авторлор кылымдар бою тарыхчылар, экономисттер жана ойчулдарды тынчсыздандырган суроолорго жооп издешет: дүйнөлүк теңсиздик кантип пайда болгон, эмне үчүн дүйнө байлыгы, дүйнө өлкөлөрүнүн жана региондорунун ортосунда бирдей эмес бөлүштүрүлгөн ж.б. Бул суроолорго жооп тарыхтан, экономикадан, саясаттан мисал келтирүү менен берилет.
- Эр төштүк
«Эр Төштүк» - бул кыргыз элинин баатырдык эпосу болуп саналат. Ал байыркы кыргыздардын диндик ишенимдерин, мифологиясын, фантастикалык ой жүгүртүүлөрүн, салт-санаасын, жай турмушун чагылдырат. Башка чыгармалардан көркөмдүүлүгү жана кызыктуулугу менен айырмаланып турат.