// //

Атыма эки машина катталуу. Жөлөкпул алаламбы?

2019.07.23, 15:38
1116

Саламатсызбы! Менин 5 балам бар. Жакында жумуштан кыскартылдым.  Жолдошум "разнорабочий". Менин атыма 2 машина катталган. Үйүбүз жок, батирде турабыз. Балдарыма жөлөкпул алсам болобу?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
23.07.2019, 15:40

Айкөл Турганбаева

КРнын Эмгек жана социалдык өнүгүү министрлигинин мамлекеттик жөлөк пулдар жана акчалай компенсациялар башкармалыгынын кызматкери

Саламатсызбы! Эгер үй-бүлөдө даярдоочу завод чыгарган жылы 20 жылдан аз эмес колдонуу мөөнөтү болгон, ошондой эле даярдоочу завод чыгарган жылды кошкондо 20 жылдан ашык колдонуу мөөнөтү менен кыймылдаткычы 2000 жана андан ашык куб сантиметрдеги иш көлөмү бар жеңил автомашина (2 же андан ашык литр): трактор, комбайн, автомобиль, оор жүк ташуучу унаа, микроавтобус бар болсо жөлөкпул дайындалбайт.

Эки машина жөн гана сиздин наамыңызга катталуу, бирок өзүңүздө жок болсо, же сатып жиберсеңиз, буларды тастыктаган: корутунду, ишеним кат же соода-сатык документин (купля-продажа) көрсөтүшүңүз керек.

Наамыңызыга катталган эки машина башка бирөөлөрдүн машинасы болуп, жөлөкпул алалбай жүрсөңүз, жашаган жериңиз боюнча шаардык же райондук эмгек жана социалдык өнүгүү башкармалыктарынын алдында социалдык суроолор боюнча атайын комиссияга кайрылсаңыз болот. Эгер алар “жөлөкпул чектелсин” деген корутунду чыгарып берсе, жөлөкпул дайындалат. Жөлөкпул чектөөдөн баш тартышса жана бул чечимге макул болбосоңуз, КРнын Эмгек жана социалдык өнүгүү министрлигине кайрылыңыз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт