Бутума сөөл чыккан. Кантип жоготсом болот? Дерматологдун жообу
Саламатсызбы. Бутума сөөл чыгып кичинеден көбөйүп жатат. Ошону кантип жок кылса болот?
Бакыт Курманалиева
“Эркай” клиникасынын адиси, дерматолог
Сөөл адамдын организминде папиллома вирусу пайда болгондо чыга байштайт. Кээде өзү эле чыгат. Бирок, көпчүлүк учурда организмде: аскорида, лямбли, токсокар сыяктуу мите курттар бар дегенди билдирет. Аларды так аныктоо үчүн анализ тапшыруу зарыл. Анализдин жыйынтыгына жараша дарылар жазылат.
Убагында дарылабаса, сөөлдөр улам көбөйүп, башка жерге жылып, чоноёт.
Үй шартында Чистотел дарысын же Резорцин мазын аптекадан алып колдонсоңуз болот. Бирок бул процесс узак жана терини күйгүзүп алуу коркунучу жогору.
Суйюк азот менен да медициналык клиникаларда алышат. Мен аны өзүмдүн бейтаптарыма сунуштабайм. Себеби, баасы өтө кымбат, процедура ар дайым эле натыйжа көрсөтпөйт.
Каогулятор тез жардам берет. Бул процедураны пластикалык хирургтар же онкодерматологдор жасашат.
Бул чаралар оорунун сырткы белгилерин жок кылуу болуп саналат. Мындан тышкары сөзсүз бир курс дарылануудан өтүү зарыл.