Күйөөм апасынын сөзүнөн чыкпайт, эмне кылышым керек? Психолог жооп берет
Саламатсызбы. Менин да күйөөм силер “Айрым энелер уулдарын “психологиялык күйөөгө” айландырышат” деп жазган макаладагы уулдарга окшош. Ар дайым апасынын жанында болуп, ал айткандарды аткарат. Кайын энем күөөмдү карыш жылдырбай, бардыгын көзөмөлдөйт. Менин суроом ал өмүр бою ошо бойдон калабы? Жен кандайдыр бир жолдор менен таасир этсем болобу?
Тилекке каршы эч кандай таасир тийгизе албайсыз. Себеби кайын эненин да күйөөңүздүн да мүнөздөрү калыптанып калган.
Психологияда күйөөлөр үч типке бөлүнөт: күйөө-мырза, күйөө-ата, күйөө-уул.
Жогорку категориядагы мырзалар күйөө-уул. Энесинин көзү өтүп кеткенден кийин так ошондой мамилени сизге кыла баштайт. Башкача айтканда аялынын сөзүнөн чыкпай, анын айткандарын аткарат. Энесинин ордун сиз басасыз.
Негизи кыздарга бере турган кеңешим, турмушка чыгаарда болочок күйөөсүнүн энеси менен мамилеси кандай экенин жакшы түшүнүп алыңыз. Эгер бийлик энесинин колунда болсо, анда сиз өмүр бою ага баш ийип, ийкемдүү болуп, жашашыңар керек, же болбосо өмүр бою энесине атаандаш болуп өтөсүз. Мындай энелер бир дагы аял анын уулуна татыктуу жар боло албайт деген ойдо болушат.