Жездем балдарды алып кетем деп жатат. Кантип алып калсак болот?
Мага жардамыңыз керек. Эжем менен жездемдин ортосунда үч бала бар. Никеси катталган. Азыр экөө ажырашып, жашабай калышкан. Эжем Казакстанга иштеп кеткен. Балдар биз менен. Экөөсүнүн фамилиясы бизге жазылган. Жездем балдарды алып кетем деп жатат. Кантип алып калсак болот?
Ширин Алмазова
Адвокат
Бул жерде силердин фамилияңарга жазылганы эч нерсени чечпейт. Балдардын туулгандыгы тууралуу күбөлүгүндө жездеңиз атасы катары жазылбаса анда балдарды алып кетүүгө укугу жок.
Эгер балдардын апасы узак убакытка чет өлкөгө кеткен болсо, балдарга расмий түрдө камкорчу болсоңор болот. Ал үчүн өзүңүздүн жана баланын жашаган жериңер боюнча сотко кайрылуу керек.
Бала 14 жашка чыкканга чейин аны багуу, тарбиялоо, билим берүү ошондой эле анын укугун жана кызыкчылыгын коргоо максатында камкорчулук бекитилет.
Асырап алуудан айырмасы, бала өзүнүн фамилиясын атын, атасынын атын сактап калат, ошондой эле биологиялык ата-энеси өз милдеттеринен баш тартпайт жана баланы багууга катыша алат.