Апамдар бардар үй-бүлөгө келин болушумду каалашат

2019.06.06, 12:20
889

Саламатсызбы. Мен 20 жаштамын. Психологдун кеңешине муктажмын. Бир жылдан бери сүйлөшүп жүргөн жигитим бар. Аны жакшы көрөм, сүйөм. Эркекке жарашыктуу бардык сапаттары бар. Жашырганда эмне, өзүмдү да арнагам, себеби ага ишенем.

Бирок бизде көйгөй бар, биринчиден ал менин кошунам, экинчиден орто турган үй-бүлөдөн.

Ата-энем биздин баш кошуубузга каршы болчудай. Алар мени бардар үй-бүлөнүн келини болушумду каалашат. Кийин кор болбой жашайсың, деп.

Эмне кылышымды билбей турам. Жигитим менен бир болушум керекпи же үйдөгүлөрдүн тилин алып, жигитимди ташташым керекпи?

Эксперттин жообу
06.06.2019, 12:21

Асель Баимбетова, психолог, psihologiya_kg

Абсолюттук түрдө туура чечим болбойт. Бардыгын эске алып, алдын –ала билүү мүмкүн эмес. Сиз чындап жигитиңизди сүйсөңүз, демек, ошол жигитке турмушка чыгуу үчүн жетиштүү негиз бар.

Бирок, ошол эле учурда ташташым керекпи деп жаздыңыз. Ал бала буюм же оюнчук эмес да. Бул сөздөрүңүздөн кийин, ага болгон чыныгы сүйүүңүз күмөн жаратып жатат. Жакшылап ойлонуп, апаңыз менен кеңешиңиз.

Сиз ата-энеңиз менен сүйлөшпөй туруп, алдын ала каршы болушат деген ойдосуз. Башкача айтканда алардын кандай кабыл ала-турганын көрбөй туруп өз алдынча божомолдоп, ошонун негизинде түрдүү ойлорго жетеленип жатасыз. Бул сиздин коркуу сезимиңизди күчөтүп, фантазияңызды өрчүтүп келет.

Алгач ата-энеңиз менен ачык сүйлөшүңүз. Эмне кылыш керек деп суроо берип жатасыз, бирок бул маселени сиз жалгыз чечпейсиз. Жигитиңиз өзү, анын ата-энеси кандай ойдо?

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт