Бутума варикоз чыгып кыйнап жатат. Оштон кимге кайрылсам болот?
Оң бутумда тизеден ылдый варикоздор көрүнүп, томпойуп чыгып кетти. Көп басканда, суукта ооруйт. Эмне кылсам болот? Кимге кайрылышым керек? Өзүм Жалал-Абадтан болом.
Адылбек Жаанбаев
Флебоцентр Түштүк медицина борборунун жетекчиси, ангиохирург
Варикоз бул кан тамырлардын паталогиялык кеңейиши жана клапандардын иштебей калышы. Убагында кайрылсаңыз дарыласа болот. Өтүшүп кеткен учурда тромбоз (кан тамырлардагы кандын жүгүрүшүн оорлотуучу тыгындар) жана башка коркунучтуу ооруга чалдыгышыңыз мүмкүн.
Варикоз суукта оорутпайт. УЗИге түшүп, муундарга суук өткөнбү, териге жакын жана терең жайгашкан кан тамырлардын абалын, кандын айланышын көрүп, ошого жараша диагноз коюлуп андан кийин дарылаш керек. Ар бир диагноздун дарылоо тактикасы айырмаланат. Ошондуктан көрбөй туруп айтуу өтө оор. Үй шартында дарылоо мүмкүн эмес.
Варикоз жөнүндө кошумча маалымат: varikoz.kg, же 707277166.
Ден соолукта болуңуз!