Беттеги сепкилди кантип кетирсе болот? Косметолог жооп берет
Эмне үчүн бетке сепкил чыгат? Аны кантип кетирсе болот?
Асель Алымбаева
Косметолог
Сепкил - бул теридеги чакан пигмент тактар. Ар дайым жазында, күн жылыганда пайда болуп, кышында күндүн нуру азыраак тийгенде өңү өчүп калат. Эмне үчүн бетке сепкил чыкканы азыркы күнгө чейин белгисиз. Эч ким так жооп бере элек. Бирден-бир себеби, тукум кууйт.
Тажрыйба көрсөткөндөй сепкилди толугу менен кетирүү мүмкүн эмес. Ар кандай каражаттардын жардамы менен убактылуу өңүн өчүрсө гана болот.
Жаздын келиши менен күн нурунан сактоочу, фактору 35 жана жогору болгон кремди активдүүрөк колдонуу зарыл. Кышкысын лазер менен өңүн өчүрүп, бетти агартуучу косметика менен колдонсо болот. Бирок бул процедуралар кеч күздө жана кышында эле жасала турганын эсиңизден чыгарбаңыз.