Төбөмдөгү чачым түшүп атат. Эмне кылсам болот? Трихолог жооп берет
Саламатсызбы. Акыркы кундөрү төбөмдөгү чачымдын абдан көп түшүп жатканын байкадым. Досторум да билинип калды деп жатышат. Мен 20 жаштамын. Эмне кылсам болот?
Алижон Балтабаев
Дерматовенеролог, трихолог
Чачтын түшүшү “андрогенетикалык алопеция” деп аталат жана көптөгөн факторлорго көз каранды. Мисалы: тукум кууйт, эндокриндик системанын, калкан безинин жана жыныстык бездеринин иштешиндеги өзгөрүүлөргө байланыштуу болушу мүмкүн. Тестостерон гормонунун, тамак-аш менен организмге келип түшкөн витаминдердин жана микроэлементтердин жетишсиздиги да себепкер болот. Балким жакын арада организмиңиз кандайдыр бир интоксикацияга (ууланууга) дуушар болгон. Кыскасы адамдын чачы андагы зат алмашуунун жалпы абалын чагылдырып турат.
Көрбөй туруп кандайдыр бир кеңеш бере албайм. Кааласаңыз, мага келип көрүнүп кетиңиз.