"Поручитель" болуудан мурун буларды билип алыңыз
2019.04.05, 11:00
5056
Насыя алуучуга кепилдик берүүчү деген ким? Кепилдикке макул болуудан мурун эмнени билүү маанилүү? Бул тууралуу ААК “Айыл Банктын” насыялар бөлүмүнүн жетекчи адиси Жаныбек Дөөлөткелдиев айтып берет.
Кепилдик берүүчү – банктан насыя алып жаткан адамга кепилдик бере турган адам.
Кепилдик берүүдөн мурун буларды билип алуу зарыл:
- Тааныштарыңыз кепил болуп берүүнү өтүнсө, алына турган карыздын өлчөмү, мөөнөтү, пайыздык чени жана башка шарттары жөнүндө толук маалымат алыңыз. Болбосо, кийин аны төлөп берүүгө аргасыз болуп калышыңыз мүмкүн.
- Насыя алуучуга толук ишенсеңиз гана макулдук бериңиз.
- Кепил болгуңуз келбесе, ар кайсы шылтоону айтпай, бул милдетти аркалай албай турганыңызды ачык билдириңиз.
Кепилдик берүүнүн коркунучтары:
- Кепилдик берүүчү менен банктын ортосунда кепилдик келишими түзүлөт. Келишимдин негизинде кепил болуучу адам карыз алуучу сыяктуу эле банк алдында жоопкерчилик тартат.
- Насыя алган адам карызын төлөй албай калса, мыйзам боюнча банк кепил болгон адамдан насыяны кайтарып берүүнү талап кылат.
- Карыз алган адам качып кетиши ыктымал же башка толтура карыздары бар болушу мүмкүн.
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.