Эски кийим менен мектепке баргандан уялам. Окуучунун арманы
Саламатсызбы! Классташтарым саркеч кийинишет. Мен да алардай болуп жакшынакай кийингим келет. Бирок ата-энемдин көп акча берүүгө шарты жок. Эски кийимим менен мектепте уялып жүрөм. Эмне кылсам болот?
Тамара Воронцова, психолог
Кымбаттуум, албетте дайыма жакшынакай болуп жүрүү керек. Ал үчүн сулуулугуңузга кам көрүүдөн баштаңыз: териңизге, чачыңызга, колуңузга дегендей. Бул нерселерди эреже кылып алыңыз.
Стилистер “эмне кийүүнү билбесең, жардамга ак көйнөк келет” ,- дешет. Мектептен ак көйнөктү күрмө, жакет, свитшот же жилет менен кийип алсаңыз саркеч көрүнүп каласыз. Сиздин фишкаңыз же стилиңиз ак жака болсун.
Айта кетүүчү нерсе, дүйнөдөгү белгилүү адамдардын көбү жаш кезинде жетишпеген турмушта чоңоюшкан. Мындай тажрыйба көп нерсеге жетүүгө түрткү берет.
Ата-энеңизге акча табууга жардам берсеңиз болот. Алсак, сатууга мүмкүн болгон кийим тиккенди, тамак бышырганды, кооз жасалгаларды жасаганды үйрөнүңүз. Булардын кийинки жашооңузга кереги тиет. Баары жакшы болот. Сизге ийгилик каалайм!