"Балага сүйүнчү" жөлөк пулун кантип алсам болот? Адис жооп берет
Саламатсызбы! Мен жакында балалуу болдум. Күйөөм менен боюмда барда ажырашып кеткем, никеге турган эмеспиз. "Балага сүйүнчү" жөлөк пулун кантип алсам болот, кандай документтер керек?
Кымбат Кадыралиева
Эмгек жана социалдык өнүктүрүү министрлигинин маалымат катчысы
Урматтуу окурман, бешик бооңуз бек болсун!
4000 сом өлчөмүндөгү бир жолу берилчү “Балага сүйүнчү” жөлөк пулун алуу үчүн бул документтерди топтоңуз:
- Паспортуңуз
- Баланын туулгандыгы тууралуу күбөлүгү
- Жашаган жериңизден маалымкат.
Мамлекеттик каттоо кызматына(ГРС), Никени каттоо мекемесине (ЗАГС), Калкты тейлөө борборуна (ЦОН) же айыл өкмөттөрүндөгү маалымат күркөөлөрүнө документтерди алып барып, арыз калтырасыз.
Акча колго берилбейт, банкка которулат. Андыктан эсеп ачасыз, бар болсо кереги жок. Жөлөк пул которулгандан кийин райондук башкармалыктар чалып билдиришет.
Эгерде каттооңуз айылда болсо, бирок Бишкек шаарында жашасаңыз, учурда жашап жаткан жериңизден маалымкат алып, шаардан эле сүйүнчүсүн алсаңыз болот. Айылга баруунун кереги жок.
“Балага сүйүнчүнү” ымыркай төрөлөөр замат алгыла деген нерсе жок. Бир жыл мөөнөт берилет.