Апам 11 жылдан бери бат-баттан температура болот
Апам 11 жылдан бери бат-баттан температура болот. Жазылып калган кезде ар бир жерине чиркей чаккандай бүдүр чыгат, дарыгерлер “вебера крисчена” деп диогноз койгон, дайыма преднизолон ичет. Ушунун айынан көзү жакшы көрбөй жатат, ага укол алган эми катарактасын алабыз операция жолу менен деген. Ошол операцияга кандай көз караштасыз, кылдыра берсе болобу?
Аида Аскеева
офтальмолог
Сиздин апаңыздын оорусу күчөп бара жаткан катаракта экен. Мунун пайда болушунун себеби көп температура болуп дайыма гормон алгандан. Катарактаны алдыруу керек, алдырбасаңар оору жетилип көздүн басымы көтөрүлөт же болбосо чечекейдин (хрусталик) ичиндеги масса чыгып кетет, бул учурда дагы көздүн басымы жогорулайт. Же болбосо борсоюп көздөгү суюктукту токтотуп коёт, мындай учурда басым көтөрүлүп, нервдер жабыркап көз көрбөй калат. Эгер операцияны азыр жасаткыла десе, жасатуу керек. Сиздерден “көздөгү чечекейди алып салып жасалма чечекей коёлубу” десе макул болгула.