7-классымдан бери бир ырчыга күйөрманмын
20 жаштамын, студентмин. Келечектеги максаттарыма жетүү үчүн аракетим күч. Менин көйгөйүм чеги жок фанатмын. 7-классымдан бери бир ырчыга күйөрманмын. Бир дагы концертин, видеолорун, сүрөттөрүн калтырбай көрөм. Башкача айтканда убакытымдын көбүн ага арнайм. Бул адаттан кантип арылсам болот?
Каныша Кожогелдиева
психолог
Негизинен 20 жаштагы адам келечекке туруктуу көз караш менен кароого, алдыга көз жүгүртө билүүгө аракет жасоосу керек. Адамда болуп жаткан ар бир эмоцияны башкара, көзөмөлдөй билүү баардык адамдын колунан келүүчү иш. Андыктан сиз өзүңүздүн жүрүм-турумду, эмоцияны башкарганды үйрөнүшүңүз кажет. Ойлоп көрсөңүз сиз алтындай болгон убактыңызды ырчы жигиттин видео, сүрөт, концерттерин көрүү үчүн коротуп жатасыз. Мүмкүн бул убакытты билим алууга, спорт менен машыгууга, китеп окууга кетирсеңиз көбүрөөк пайда түшмөктүр. Бул болуп жаткан кырдаалда келечек барбы, кандай пайда же зыян алам деген суроолорго жооп таап, чечим чыгарыңыз.