Кээ бир мугалимдерди түшүнө албайсың. Айтайын дегеним, жакшы окусаң да, жаман окусаң да жакпайсың.
Москва шаардык педогогикалык университетинин профессору Витольд Ясвин мугалимдердин тибин аныктай турган методика иштеп чыкты. Кеттик анда, мугалимиңиз кайсы типке кирээрин билип көрөлү.
- Босс — мугалим
Бул мугалим текебер, ойлонбой чечим чыгаруу мүнөзүнө ээ. Ал үчүн билим берүү процессинен да өзүнүн жаш курагы жана статусу алда канча маанилүү. Анын идеяларына суктанган окуучуларды жакшы көрөт.
- Командир – мугалим
Бул мугалим дайыма өзүнүкүн туура дейт жана башкаларды кол алдындагы адам катары көрөт. Класстагы байланыш буйрук жана көрсөтмөлөрдү берүү менен чектелет. Окуучулардан катуу тартипти талап кылат.
- Дирижёр – мугалим
Дирижёр — мугалим жумуштун ырааттуу болушун каалайт. Топтун ар бир мүчөсүнө белгилүү бир ролду берет. Окуучуларга билимди чыдамкайлык менен түшүндүрүп берет. Алардын активдүүлүгүнө маани берет. Бул мугалимдер сылык-сыпаа, бирок, мамилеси муздак
- Чабан – мугалим
Мындай мугалим билим берүү процессине кайдыгер. Атүгүл тартипсиз окуучуларынын жүрүм-турумуна маани бербейт. Класстагы байланыш салкын, ортодо пайда болгон түшүнбөстүктөрдү четке кагып коёт же байкамаксан болот. Бул мугалим өз жанын кыйнабайт.
- Официант – мугалим
Мугалим чын жүрөгүнөн педагогиканын негиздерин окутууга аракет кылат. Ар дайым окуучуларга жардам жана колдоо көрсөтүүгө даяр, балдардын муктаждыктарына көп көңүл бурат. Бирок, белгилүү бир максатка алып келе тургандай кылып окуу процессин уюштура албайт, окуучулардын кызыкчылыктары үчүн кызмат кылат.
- Машыктыруучу – мугалим
Бул мугалим биринчи кезекте окуучулардын сынактарда жана таймаштарда жогорку жыйынтыкка ээ болуусуна кызыкдар. Окуучулар менен так жана ачык мамиле курат, кээде катуу талаптарды коёт.
- Эксперт – мугалим
Эксперт-мугалим мотивациясы күчтүү, таланттуу окуучулар менен иштесе натыйжалуу болот. Себеби изилдөө жана долбоордук иштерди берет жана анын жүрүшүнө аз кийлигишет. Жыйынтыктарды деталдуу анализдейт, каталарды таап, алардын себептерин аныктап, өз көз карашын билдирет. Жеке мамиле курууга аябай кызыктар, толеранттуу жана боорукер.
- Кеңешчи – мугалим
Мугалим ар бир окуучунун аткарган тапшырмасынын сапатына көңүл бурат. Окуучуларынын максаттарын, кызыкчылыктарын эске алуу менен окуу планын түзөт. Андан кийин пландын аткарылышын көзөмөлдөп, кемчиликтер менен катачылыктарды оңдоп турат. Окуучуларына сый-урмат менен мамиле кылат, алардын абройуна шек келтирбегидей кылып сын айтат.
