Италиялык музыкант, актёр, композитор Адриано Челентано бүткүл дүйнөгө харизмасы жана таланты менен белгилүү.
Анчалык келишимдүү эмес, бирок оригиналдуу жана өзгөчө. Бийи, үнү, мимикасы жана кинодогу оюндары менен суктандырат. Назарыңызга тасмалардагы айрым цитаталарын сунуштайбыз.
***
— Кантип кызыктарса болоорун билесиңби?
— Кантип?
— Эртең айтам.
***
Ансыз дем ала албай калдым деп ойлогом… Көрсө, мурдум бүтүп калыптыр.
***
— Бир кезде мени жоготуп алуудан корктуң беле?
— Албетте! Биз автобуска баратканбыз… Мен артта калып калдым, а жол кире сенде болчу.
***
Мен сөзсүз сага үйлөнөм. Болбой калды дегенде, телефон чалам.
***
— Же мен айткандай жасайбыз!
— Же…?
— Же эмне десем, ошондой болот!
***
— Үстүмдөгү костюм Valentino’нуку.
— Валентинонуку? Мен сеники экен дегем.
***
Идеалдуу адамды издебей эле койгула. Бүгүн мен үйдө болом.
***
— Дүйшөмбү саат беште бош болосуңбу?
— Ооба.
— Өкүнүчтүү, мен бош эмесмин.
***
— Мен чындыкты айтып коёюн деп кайра келдим. Сен акылсыз, орой, уятсыз, келесоо адамсың!
— Дагы?
— Мактанчааксың.
— Түшүндүм. Сен мени сүйүп калыпсың.
***
— Эмне үчүн менин дем алыш күнгө болгон пландарыма кызыгып жатасың?
— Мындай эле, сени жолуктуруп калбаш үчүн кайда барсам экен деп ойлоп жатам.
