15-майда Каракол шаарында малды союп, этти иштетип жана даяр продукцияны керектөөчүгө жеткирген «Рейна Кенч» эт комбинаты ишке киришти. Ишкананын курулушу өткөн жылдын август айында башталган.
Кобинатта күнүнө 500 баш майда жандыктар жана 100 баш бодо мал союлат.
Жалпысынан ишкананы ишке киргизүүгө 132 миллион сом сарпталды, анын 36 миллион сомун «Айыл Банк» бөлүп берди.
Комбинат малды Ысык-Көл облусунун төрт районунун фермерлеринен сатып алат. Демек, региондогу малчыларга малды туруктуу сатууну камсыз кылып берет.
Ишкананын өзүнүн экологиялык лабораториясы бар. Ал өндүрүлгөн продукциянын экологиялык жактан таза болушуна жана коопсуздугуна кепилдик берет.
Эт комбинаты жүздөн ашуун адамды жумуш менен камсыз кылат, алардын көпчүлүгү жергиликтүү тургундар экенин баса белгилей кетүү зарыл. Ошондой эле, ишканада чийки зат жана үрөн өстүрүү базасы, асыл тукум фермасы, «фермерлердин мектеби» бар.
«Айыл Банк» бул ишкана менен көптөн бери ийгиликтүү иштешип келе жатат. «Рейна-Кенч» эт комбинатынын бардык эт азыктары ички рынокко, ЕАЭБ өлкөлөрүнө жеткирилет.
Мындан тышкары, банк «Рейна Кенч» фермасы менен жогорку продукттуу малды лизингге берүү боюнча кызматташат. Айталы, экөөнүн ортосундагы келишимдин арты менен, Кыргызстандын фермерлеринде асыл тукумдуу малды лизингге алуу мүмкүнчүлүгү пайда болгон. «Рейна Кенч» аркылуу фермерлер Абердин Ангус жогорку эт багытындагы уйларын алалышат.
Лизингге байланышкан суроолор боюнча ab.kg сайтына же «Айыл Банк» ААКнын бөлүмдөрүнө кайрылсаңыз болот.
