Мен 27 жаштамын. 7 жыл мурун геморройго чалдыккам. Көңүл бурчу эмесмин. Бирок былтыр төрөгөндөн кийин гүл сымал болуп чыгып калды. Ыңгайсыздык жаратып оорутуп, кычыштырууда. Угушум боюнча геморройдун 5-баскычында гана операция жасатпаса, кайра чыгып кетет экен. Бул чынбы? Азыр релиф колдоном. Болбосо чыдатпай оорутат.
Гульмира Асанбекова
проктолог
Геморройдун 4 баскычы бар. Ар бир баскычында операция жасатса же операциясыз эле дары-дармек, аппараттык метод менен дарыласа болот. Бала эмизип жаткан энелерге релифти колдонууга болбойт. Алар үчүн атайын шамдар, маздар бар. Андыктан өз алдынча ар нерсе кыла бербеңиз. Ден-соолугуңузга кам көрүп, тезирээк проктологго кайрылыңыз.