Жеңем менен тил табыша албайм. Апамдын көзүнчө башка, апам жокто башка адам. Кантсем болот?
// //
Жеңем менен тил табыша албайм. Апамдын көзүнчө башка, апам жокто башка адам. Кантсем болот?
Ширин Амантурова
Психолог
Урматтуу окурман, кыргыз элинде келин менен кайын журттун чиелешкен оор мамилеси көп кездешет. Сиздин үйүңүзгө келген жеңеңизди түшүнгөнгө аракет кылыңыз. Анткени ал өз ата-энесинен бөлүнүп, бөтөн бирөөнүн үйүндө жашап, кызмат кылып, ар бир үй-бүлө мүчөсүнүн кылыктарын көтөрүп, чоң стресске кабылып жатат. Мүмкүн жеңеңиз сиздин мүнөздү түшүнө албай жаткандыр.
Эки жүздүү болуп кубулуп жаткандын да себеби бар. Аны өзүнөн сурап көрсөңүз болот. Эсиңизде болсун, уруш-талаш менен эч качан маселе чечилбейт. Тескерисинче, конфликтти күчөп, бири-бириңиздерге болгон сый-урматты жоголот. Өзүңүздү жеңеңиздин ордуна коюп көрүп, түшүнүүгө аракет кылып, сизге болгон ишенимин арттырыңыз. Ийгилик сизге!