Ватсап жана уюлдук телефон аркылуу сүйлөшүү менен жазышууларды органда иштегендер тыңшап, аңдыганга укуктары барбы?
// //
Ватсап жана уюлдук телефон аркылуу сүйлөшүү менен жазышууларды органда иштегендер тыңшап, аңдыганга укуктары барбы?
Нурислам Раимжанов
Юрист
Сурооңуз үчүн чоң рахмат! КРдын Конституциясынын 29-беренесинин, 2-бөлүмүндө «Ар бир адам кат-кабар алышууга, телефондук жана башка сүйлөшүүлөрдүн, почта, телеграфтык, электрондук дагы бөлөк жол менен кабарлашуулардын купуялуулугуна укуктуу. Бул укуктарды чектөөгө мыйзамга ылайык жана сот актысынын негизинде гана жол берилет» деп көрсөтүлгөн. Ушул эле берененин 3-бөлүмүндө «Мыйзамда белгиленген учурлардан тышкары адамдын макулдугусуз анын жеке турмушу тууралуу маалыматты, жашыруун маалыматты жыйноого, сактоого, пайдаланууга жана жайылтууга жол берилбейт» деп жазылган. Эгерде сиз кылмышкер болбосоңуз кабатыр болбой эле коюңуз.
Телефондорду тыңшоого кайсыл учурларда уруксат берилет деп кызыксаңыз бул шилтеме аркылуу кирип 188-беренени окуп чыгыңыз http://cbd.minjust.gov.kg/act/view/ru-ru/9?cl=ru-ru.
Ишиңизге ийгилик!