Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Таежем сабайт, интернатка кантип кетсем болот?

Быйыл 11-класс болом. Жашаган жерим жок. Көчөдө калдым. Апам алыста, атам жок. Таежемдин үйүнө барсам, мени сабап, кууйт. Кантип интернатка кирип, окусам болот?

Эксперттин жообу
А
Аноним
03.08.2018, 12:14

Назгүл Чоломова

ЭСӨМдүн Үй-бүлө жана балдарды коргоо башкармалыгынын башкы адиси 

Кымбаттуум, абалыңыз абдан оор экен. Сиздин абалды толук түшүнүү үчүн бериле турган суроолор көп. Мисалы, учурда кайда жашап жатасыз, апаңыз сиз менен байланышпайбы жана башка дегендей. Эгерде таежеңиздин үйүндө жашасаңыз, ал сизге кол көтөрүп, үйдөн кууса, жашаган жериңиз боюнча социалдык өнүктүрүү башкармалыктарына же окуган мектебиңиздеги социалдык педагогго, ИДН кызматкерине, жакшысы 111 балдар ишеним телефонуна байланышып, жагдайыңызды айтып бериңиз, чалуу акысыз. Сиз ишеним телефонго билдирүү жасагандан кийин, социалдык кызматкерлер териштире баштайт. Эгерде абалыңыз чынында эле оор болсо, атайын чара колдонулат. Бир нерсени билиңиз, интернатка соттун чечими менен гана жайгаштырылат. Сиз жакшысы 111 номурун терип, балдардын ишеним телефонуна чалыңыз. Сизге жардам бергенге аракет кылабыз.

 

Билим берүү жана илим министрлигинин маалымат кызматы

Урматтуу суроо берүүчү, сиз 11-класс болсоңуз 16-жаштан жогору болуп каласыз. Ошондой эле сиздин колуңузда, 9-классты бүтүргөндүңүз тууралуу күбөлүк бар. Балдар үчүн жатак-мектеп 16 жашка чейинки балдарга гана билим берүү кызматын көрсөтөт. Сиз жатаканасы бар кесиптик билим берүү (кесиптик лицей) мекемелерине тапшырууга укугуңуз бар. Сизге ийгилик каалайбыз!

 

 

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт