Мен 18 жаштамын. Журналист болгум келет. Бирок менин окуганга шартым жок. Билим албай туруп, иштей берсем болобу?
// //
Мен 18 жаштамын. Журналист болгум келет. Бирок менин окуганга шартым жок. Билим албай туруп, иштей берсем болобу?
Улан Эгизбаев
"Азаттык" радиосунун журналисти
Журналист болууну кааласаңыз, эң биринчи кезекте бирөөлөрдүн айтканын же агайлардын, эжейлердин сөзүн укпаңыз, жүрөгүңүздү гана тыңшаңыз. Анткени журналистика-бул жөн эле техникалык жумуш эмес, талантты талап кылган кесип. Ичиңизде чымын бар болсо, бул тармакты аркалап кете аласыз. Каалооңуз жок болсо жөн эле кыйналып каласыз. Анткени менин группалаштарым, журналистика бөлүмүн 5ке окуп, кызыл диплом менен бүтүп, бирок каалоосунун жоктугунан бул тармакта иштей алган жок. Журналистиканы үйрөнүп кетсе болот. Болгону талант, ичинде өзөгү болуш керек. Сөзсүз эле бул жаатта билим алыш керек дегенге кошулбайм. Өз дараметиңиз менен чеберчилик курстарга, мастер класстарга барып өздөштүрүп алсаңыз болот. Журналистикада-практика маанилүү. Сизге ийгилик каалайм!