Тамеки же насвай деген жаман адаттардан кантип арылууга болот?
// //
Тамеки же насвай деген жаман адаттардан кантип арылууга болот?
Өскөнбай Үсөнов
Нарколог
Бул жаман адаттардан арылууну чечсеңиз абдан жакшы. Бирок сизге сөзсүз наркологдун жардамы керек. Чылым чегүүдөн баш тартууга дарыканаларда сатылган таблеткалар, пластырлар жардам бербейт. Бекер чыгыша болбоңуз. Ар бир адамдын организми ар башка болгондуктан, дарылануу көз карандылык баскычына карата жеке жүрүшү керек. Ошол себептүү баш тартууну кааласаңыз атайын дарыгерлерге кайрылганыңыз туура.
Насвай жөнүндө айта кетсем, организим үчүн өтө кооптуу зат. Адамдын нерв системасына терс таасирин тийгизип, эс тутумун бузат. Ойлонуу, аң сезим начарлайт. Тиштердин курамын бузуп, коркунучтуусу ооз көңдөй рагына алып келет. Ар бир адамдын организмине жараша дарылоо курсу дагы ар кандай болот. Насвайга болгон көз карандуулук, чылымдан дагы күчтүү. Өз алдынча арыла албайсыз. Кеч боло элегинде наркологдорго кайрылсаңыз, насвайдан арылууга жардам беришет. Болгону ички кан тамырга бир ийне сайылат. Сизге ийгилик каалайм.