Жыныс кынын кичирейтүүчү гельдерди колдонсом болобу? Гинекологдун жообу
Суроом гинекологго: төрт балам бар, төрөттөн кийин жыныс кынынын кичирейтүүчү гелдерди колдонсом болобу? Мисалы “Виржин” гель? Кайсынысы жакшы, айта кетсеңиз?
Раушан Джумагулова
“Эркай” клиникасынын адиси, акушер-гинеколог
Саламатчылык. Урматтуу айым, сизде төрт ирет төрөт болуптур, ден соолугунузда бир канча көйгөй болушу мүмкүн. Мисалы: жыныс кынынын капталдарынын төмөн түшүшү (опущение стенок влагалища), жатындын төмөн түшүшү, жамбаш сөөктөгү булчуңдардын бошошу, заараны кармай албагандык.
Мындайда сизге укмуштуудай жана дароо натыйжа бере турган гель, крем, карандаш ж.б. ишенүү - жеңил ойлуулук. Алар жардам берсе да убактылуу эффект гана болот. Бирок ден соолукка кандай таасирин тийгизет, ага эч ким кепилдик бербейт.
Мен сизге алгач гинекологго кайрылып, анализ тапшырып, оорулар аныкталса, дарыланып, андан кийин доктур менен биргеликте жыныс кынын кантип кууш кылуу керек экендиги тууралуу ойлонууну сунуштамакмын.
Ден соолукта болуңуз.
Кегель көнүгүүлөрү:
Жыныс кынын кууш кылып, оргазм алууга жардам берген 5 Кегель көнугүүсү
Кегель көнүгүүлөру 40% эркектердин эрекциясын нормага келтирет. 6 көнүгүү