Көз тийгенде көз мончок тагынса күнөө эмеспи?
Саламатсызбы! Менин сурайын дегеним көз тиет дегенге кандай караш керек? Исламда мындай түшүнүк барбы? Көз мончок такса болобу? Кантип сактануу керек?
Кадыр Маликов
Теолог
Исламда көз тийүү деген түшүнүк бар. Мисалы, Пайгамбарыбыз (с.а.в) өзү көрө албастык көз тийүү бар экенин көрсөткөн. Тактап айтканда, көрө албастыктан улам адам бирөөгө жамандык каалап көз тийгизет. Ошондой эле, курандын акыркы 114-сүрөөсүндө кудай көз тийүү жөнүндө айтат. Көз тийүү деген түшүнүк исламда гана эмес көптөгөн башка диндерде да бар.
Бирок, кудайга ишенген адам көз мончок тагынбашы керек, көз тийүүдөн курандагы сүрөөлөр коргойт, жардамды кудайдан сурайт. Ниети менен атайын аяттарды, сүрөөлөрдү же дубаларды кайталап окуу зарыл. Дагы айтам, көз мончок тагуу жардам бербейт, алар көз тийүүдөн сактабайт. Балада көз тийүүнүн белгилери байкалса, курандагы белгилүү аяттар жана сүрөөлөр жардамга келет.