Макаронду жегенге болбойбу? Арамбы?
Биз Россияда кайын агамдар менен чогуу турабыз. Үйдө баарыбыз намаз окуйбуз. Кайын агам бизге макарон кошулган тамак жебегиле дейт. "Макаронго кандайдыр бир суюктук кошулуп жасалат, ошол нерсе адамдын аң сезимине, эске тутуусуна терс таасирин тийгизет", деп мечитте айтылыптыр.
Ушул нерсенин канчалык чындыгы бар?
Бактияр Токтогазы уулу
Кыргызстан мусулмандарынын дин башкармасынын фатва бөлүмүнүн адиси
Саламатсызбы!
Ар бир азыктын эмнеден жасалганы тууралуу маалыматы бар. Мисалы, макарондун сыртында азык эмнеден жасалганы, мыйндайча айтканда курамы жазылган. Ошону караш керек. Жөн эле макаронду жеген болбойт деп айтуу туура эмес.
Макарондун курамында адатта: макарон өнүмдөрү үчүн жогорку сорттогу катуу буудай уну жана ичүүчү суу, деп жазылып турат.