Ата энеси мажбурлап талак бердиртсе, нике бузулган болобу? Теологдун жообу
Саламатсызбы. Күйөөмдүн ата-энеси мажбурлап мага талак бердиртишти. Телефон чалып 3 жолу айтты. Ошондо никебиз бузулдубу? Мындан ары эмне кылышыбыз керек?
Кадыр Маликов
Теолог
Исламда кандай гана иш чара болбосун, адамдын ниети коюлбаса, чын дилинен айтпаса, жараксыз болуп саналат. Эгер сиздин күйөөңүз талак деп айтып жатканда сиз менен ажырашуу ниети болбосо, башкалардын мажбурлоосу, күчкө салуусу менен айткан болсо, никеңер бузулган болуп деп эсептелинбейт.
Ушул эле эреже нике кыйдырып жатканда да иштейт. Эгер турмушка чыгып жаткан кыздын көңүлү жок болсо, аны күчкө салып, коркутуунун айынан турмушка чыгып жатса, мындай түгөйдүн никеси кыйылган болуп саналбайт.
Сиздин кырдаал боюнча тагыраак маалымат алуу үчүн Кыргызстан мусулмандарынын дин башкармасынын Фатва бөлумүнө кайрылып көрүңүз. Алар силердин конкреттүү ситуацияны карап чыгып, тагыраак маалымат берип, андан ары эмне кылышты айтышат.