Бир жылдык стаж менен мугалим болуп иштесе болобу?
Саламатсызбы! Адистигим боюнча кыргыз тилчимин. Бир жылдык стажым бар. 2018-2019-жылдары мектепте иштегем. Быйыл бишкек шаарындагы мектептерге кирүү үчүн вакансиялар бар мектептерге барсам, директорго киргизбей, "бир жыл стаж менен болбойт" деп кабылдамадан эле кетирип жатышат. Мен жумушка кириш үчүн кимге кайрылышым керек?
КРнын Билим берүү жана илим министрлигин маалымат кызматы
Саламатсызбы! Жумуш маселеси боюнча Бишкек шаарынын мэриясынын Билим берүү башкармалыгына кайрылып көрсөңүз болот. Ошондой эле, сиздин адистик боюнча ачык вакансиялары бар мектептерге резюмеңизди таштаңыз. Бир жыл стаж менен мугалим болуп иштей албайт деген туура эмес маалымат. Бул мөөнөттөгү стажыңыз менен эч тоскоолдуксуз эмгектене аласыз.