Жолдошум Россияда иштесе деле алимент төлөөгө милдеттүүбү? Адвокат жооп берет
Саламатсызбы. Менин суроом төмөндөгүчө. Жолдошум менен ажырашканы жататбыз, ортобузда бала бар. Кызым 1 жаш 2 ай болуп калды. Жолдошум Москвада фирмалардын биринде иштейт, айлыгы 45 000. Алиментке канча пайызы бөлүнөт. Россияда болсо деле алимент төлөөгө милдеттүүбү?
Ширин Алмазова
“Линия защиты” коомунун адиси, авдокат
Саламатчылык. Алиментке жолдошуңуз тапкан кирешенин ¼ бөлүгү төлөнөт. Бул бардык кирешенин 25%ы дегенди билдирет.
1993-жылы Минск шаарында жарандык, үй-бүлөлүк жана кылмыш иштери боюнча укуктук жардам көрсөтүү жана укуктук мамилелер боюнча конвенция кабыл алынган.
Ал конвенцияга ылайык Кыргыз Республикасынын соту чыгарган чечим Россия Федерациясынын аймагында да күчүнө ээ.
Демек, алимент өндүрүү тууралуу соттун чечими чыкса, жолдошуңуз Москвада болсо да айлыгынын ¼ бөлүгүн алимент катары төлөп берүүгө милдеттендирилет.
Ийгилик.
Башкы беттеги сүрөт интернеттен алынды.