Каза болгон орус кемпирдин үйүн сатып алсак болобу?
Саламатсызбы! Биз арзан эле сатыла турган үйдү алалы дегенбиз. Бирок үйдүн документтери жаңы жасалган. Себеби ал үйдүн мурунку ээси орус кемпир экен. Ал каза болгондон кийин, үй анын үйүндө турган квартиранттарга калыптыр. Эмне кылса болот? Бул мыйзамдуубу?
Нурислам Раимжанов
"Справедливость" укук коргоо уюмунун юристи
Саламатсызбы!
Окурман, үйдүн документтерин көрсөм, сизге толук кандуу кеңеш бере алмакмын.
Азыркы учурда үй кимдин атында? Ал батир азыркы ээсине мыйзамдуу түрдө өткөнбү? Документтерин мыйзамдуу түрдө жасашканбы? Бул суроолордун жообун билишибиз керек.
Мыйзамды бузбоо үчүн үй кимдин атында болсо, ошол адамдан сатып алуу керек.
Мүмкүн болсо бизге документтердин көчүрмөсүн жиберсеңиз так жообун беребиз.