Ырчы болгум келет. Бир ырды канча сомго жаздыра алам?
Саламатсызбы! Бир ырды жаздырсак канча сом болуп калат? Ырдаганга абдан кызыгам? Кенен маалымат бере аласызбы?
Асхат Субанбеков
"Next Music" чыгармачылык студиясынын жетекчиси
Азыркы тапта Бишкек шаарында жакшы сапаттагы ырлар орто эсеп менен 500 АКШ долларына жазылат. Ага аранжировка, үн жаздыруу жана үндү жасалгалоо кызматтары кирет.
Көпчүлүк студияларда орто эсеп менен аранжировканын баасы 300 $, үн түшүрүү 200 $. Арзан жасаган деле студиялар бар, бирок, алардан жазылган ырлардын көпчүлүгү радиого өтпөй калат, деп ырчылар көбүнчө кымбатына жаздырышат. Мындайча айтканда, көп жылдан бери иштеп "бренд" жасап алган студиялар бар. А бирок кыргыз шоу бизнесиндеги тойлорго көп барган аты чыккан ырчыларга ал сумма аз болушу мүмкүн. Ал эми жаш ырчыларга, ырдагысы келген студенттер үчүн бул сумма көп.
Биздин студия ар дайым жаш ырчыларга арзан баада ыр жаздырууга жана бөлүп төлөөгө мүмкүнчүлүк түзүп берет. Бир ырды баштан-аяк бүтүрүүгө жаш ырчылар үчүн 10-15 миң сом. Ал эми рэп жаатындагы ырлар болжолу менен 7 миң сомго бүтөт. Сапаты ошол эле 500 долларга бүткөн ырлардай болот.
Айрым, чыныгы таланттууларга ырларын бекер деле жаздырып беребиз.
Биз менен байланышууну кааласаң @nextmusic_bishkek инстаграм баракчабызга жазсаң болот.
Ийгилик каалайм!