Күбөсү жок нике кыйса болобу? Теолог жооп берет
Саламатсызбы! Нике кыйуу үчүн сөзсүз күбө болушу шартты? Кыз менен жигит ыраазы болсо, күбөсүз нике кыйса болобу?
Кадыр Маликов
Теолог
Кыз менен жигит макул болгон учурда да, күбөсүз нике жараксыз болуп эсептелет. Никени күбөлөрдүн катышуусунда, эң аз дегенде, дос-туугандарынын курчоосунда, той берип кыюу керек. Күбөсүз кыйылган нике ойноштук кылууга жатат, кыз менен жигит күнөөгө батат. Ошондуктан, нике сөзсүз ачык болуп, күбөлөр катышышы керек. Дагы айтам, жашыруун нике ойноштукка барабар. Минимум төрт күбө болушу шарт: 2 эркек менен 2 аял, 1 эркек же 4 аял.
Эмне үчүн күбөсү жок нике кыюуга тыюу салынат? Өзүңөр билгендей шииттерде убактылуу нике деген нерсе бар. Бул нике күбөсүз, молдо тарабынан эле бир саатка, бир нече күнгө ж.б. белгилүү бир убакытка кыйылат. Бизде бул нерсеге тыюу салынган, себеби мындай нике ойноштукка барабар. Андыктан, никенин негизги шарты - ачык болуп, белгилүү бир сандагы күбөлөр катышып, баш кошуп жаткандардын никеси коом тарабынан күбөлөнүшү керек.