Түйүлдүктүн өрчүбөй калуу себептери
2018.05.17, 14:59
3847
Боюнда бар аялдар алгачкы күндөн тартып эле дарыгердин көзөмөлүндө болушу шарт. Түйүлдүктүн өрчүбөй калуусу, бала жана энелердин өлүмү дал ушул кош көңүлдүүлүктөн болот. Акушер-гинеколог Гүлзина Мадраимова түйүлдүктүн өрчүбөй калуу себептерин айтып берди.
Түйүлдүктүн өрчүбөй калуу себептери:
- Инфекция: сасык тумоо, цитомегаловирус, кызамык жана башка.
- Жыныс жактан жуугуштуу оорулар: трихомониаз, гонорея, сифилис, ВИЧ.
- Генетикалык жактан коркунуч болсо.
- Кан группаларынын дал келбестиги.
- Жатындын тубаса кемчилиги .
- Мурда аборт кылып жүргөн болсо.
- Гормоналдык бузулуу.
- Дайыма стресс абалында жүрүү.
- Дары-дармектерди көзөмөлсүз ичүү.
- Туура тамактанбаса.
- Айрым учурларда ЭКОдон кийин.
Өрчүбөй калган түйүлдүктүн белгилери:
- Кош бойлуулуктун белгилери күтүүсүз жерден токтойт: көөнү айнуу, кусуу жоголуп, көкүрөк бездери жумшарат.
- Бели, ичи ооруп баштайт.
- Жыныстык жактан кан келет.
- Кош бойлуулуктун мөөнөтү чоң болсо, түйүлдүктүн кыймылын сезбей калат.
- Түйүлдүктүн жүрөгүнүн согушу токтойт.
Кантип диагноз койсо болот?
Эгерде жогорудагы белгилер байкалса, тезинен гинекологго кайрылгыла. Диагнозду адис гана кое алат.
Ким бактылуу эне болом десе, алдын ала дарыгерге көрүнүп, ден-соолугун чыңдайт жана даярданып, үй-бүлөнү пландаштырат.
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.